आयडियल सेल्स असोसिएशन” तर्फे “हम मुताहिद हुए तो ज़माने पर छा गए” या विषयावर जनरल मिटिंगचे आयोजन
जळगाव मीडिया | वसीम खान : सेल्स आणि मार्केटिंगशी संबंधित मुस्लिम तरुणांची संघटना आयडियल सेल्स असोसिएशन, जळगाव अनेक वर्षांपासून समाजकल्याण आणि भल्यासाठी कार्यरत आहे. ही संस्था समाजातील तरुणांच्या व्यक्तिमत्त्व विकास, रोजगाराच्या संधी आणि शैक्षणिक मार्गदर्शन यासाठी सतत प्रयत्नशील आहे. याच असोसिएशनतर्फे “हम मुताहिद हुए तो ज़माने पर छा गए” या शीर्षकाखाली एक जनरल मिटिंग आयोजित करण्यात आली होती. या कार्यक्रमाचे अध्यक्षस्थान (सदारत) श्री सलीम इनामदार साहेब यांनी भूषविले आणि मुख्य अतिथी वक्ते म्हणून प्रा. सुहैल आमीर साहेब (अमीर, जमाअत-ए-इस्लामी, जिल्हा जळगाव) उपस्थित होते.
कार्यक्रमाची सुरुवात मौलाना उसामा फलाही साहेब यांच्या पवित्र कुरआन पठणाने झाली.
असोसिएशनचे अध्यक्ष मुन्नाफ शेख यांनी कार्यक्रमाचा उद्देश आणि हेतू स्पष्ट केला.
बख्तियार शेख यांनी संचालन (निजामत) केले.याकूब खान यांनी अध्यक्षांचे नाव सुचवले, ज्याला इरफान अब्बासी यांनी पाठिंबा दिला.
अझहर हुसैन यांनी असोसिएशनची ओळख, उद्दिष्टे, कार्य आणि भविष्यातील योजना सविस्तरपणे मांडल्या.
मुख्य अतिथी प्रा. सुहैल आमीर साहेब यांनी आपल्या “हम मुताहिद हुए तो ज़माने पर छा गए” या भाषणात सांगितले की —पूर्वी असे म्हटले जायचे की एकता आणि ऐक्य (इत्तेहाद) खूप आवश्यक आहे,
परंतु आजच्या काळात एकता ही काळाची गरज बनली आहे.
त्यांनी सीरत-ए-नबी ﷺ मधील औज व करज (उत्थान आणि संघर्ष) यांचे उदाहरण देत अन्सार आणि मुहाजिरीन यांच्या परस्पर प्रेमाचे वर्णन केले.
त्यांनी एकतेचे फायदे, महत्त्व आणि त्याची गोडी अत्यंत प्रभावी शैलीत समजावून सांगितली.कार्यक्रमादरम्यान सदस्यता अभियान (मेंबरशिप ड्राईव्ह) सुरू करण्यात आले.वकार शेख यांनी सदस्यत्वाचे फायदे स्पष्ट केले आणि तरुणांना या असोसिएशनशी जोडून घेण्याचे आवाहन केले.
मुशर्रफ शेख यांनी उपस्थित श्रोत्यांना परस्पर संबंध बळकट करण्याचे आणि एकत्र येऊन कार्य करण्याचे आवाहन केले.
कार्यक्रमात प्रशासकीय समितीसाठी सैयद रिजवान यांची सर्वसंमतीने सदस्य म्हणून निवड करण्यात आली.जावेद शेख आणि फैजान यांनी समिती सदस्याच्या गुणविशेषांबद्दल माहिती दिली.अंतिम भाषणात सलीम इनामदार साहेब यांनी या यूनियनसाठी शुभेच्छा दिल्या आणि सर्व सदस्यांना संघटनेशी जोडून समाजसेवेचे कार्य सुरू ठेवण्याची प्रेरणा दिली.
आभार प्रदर्शन (शुक्रिया अदा) उपाध्यक्ष मुजाहिद खान यांनी केले.
कार्यक्रमाचा समारोप बख्तियार शेख यांच्या दुआने झाला.
