मोठी बातमी: केंद्रीय राज्यमंत्री रक्षाताई खडसे यांच्या मुलीसह तरुणींची संत मुक्ताई यात्रेमध्ये टवाळखोरांनी काढली छेड
रक्षा खडसे आक्रमक, महिला सुरक्षेचा प्रश्न ऐरणीवर, चौघांविरुद्ध गुन्हा
जळगाव प्रतिनिधी
मुक्ताईनगर येथील कोथळी येथे श्री मुक्ताई यात्रेमध्ये 28 फेब्रुवारी शुक्रवारी रोजी केंद्रीय राज्यमंत्री रक्षाताई खडसे यांच्या मुलीसह अन्य तरुणींची काही टवाळ करून तरुणांनी छेड काढल्याचा धक्कादायक प्रकार घडला असून याप्रकरणी मंत्री रक्षा खडसे यांनी मुक्ताईनगर पोलीस स्टेशन गाठून संशयित तरुणांना त्वरित अटक करावी अशी मागणी केली. याबाबत रक्षा खडसे यांच्या सुरक्षारक्षकाने दिलेल्या तक्रारीवरून चार तरुणांविरुद्ध गुन्हा दाखल करण्यात आला आहे. दरम्यान या घटनेमुळे संपूर्ण जिल्ह्यासह राज्यात खळबळ उडाली आहे.
संत मुक्ताई यात्रेत मोठ्या संख्येने भक्तगण व नागरिक सहभागी होतात. यात्रेच्या निमित्ताने महिलांवर अशा प्रकारच्या अनुचित घटना घडणे हे अत्यंत चिंताजनक असल्याचे मत स्थानिक नागरिकांनी व्यक्त केले. या प्रकारानंतर मंत्री रक्षा खडसे यांनी पोलिस प्रशासनाला चांगलेच सुनावले. “मुलींच्या सुरक्षेसाठी पोलिसांनी कठोर पावले उचलली पाहिजेत. छेडछाड करणाऱ्यांना तत्काळ अटक झाली पाहिजे,” अशी ठाम भूमिका त्यांनी मांडली.
यावेळी माध्यमांशी बोलतांना रक्षा खडसे म्हणाल्या कि कोथळी येथे दरवर्षाप्रमाणे यात्रा भरते माझी मुलगी हि शुक्रवारी यात्रेत गेली असता तिची काही टवाळखोर तरुणांनी छेड काढल्याचा प्रकार घडला असून मुक्ताईनगर पोलीस ठाण्यात तक्रार देण्यासाठी आपण काही मुलींसोबत सोबत आल्याचे त्यांनी माध्यमांशी बोलतांना सागितले .
