भयंकर : पत्नीच्या मृतदेहाचे तुकडे करून मृतदेह कुकरमध्ये शिजवून तलावात फेकले !
निवृत्त लष्करी जवानाचे शैतानी कृत्य ; तेलनगणतील रंगरेड्डी जिल्ह्यातील घटना
हैद्राबाद I वृत्तसंस्था
एका निवृत्त लष्करी जवानाने आपल्या पत्नीची हत्या करून तिच्या मृतदेहाचे तुकडे केले आणि नंतर ते प्रेशर कुकरमध्ये शिजवून तलावात टाकल्याची धक्कदायक घटना तेलंगणातील रंगारेड्डी जिल्ह्यात उघडकीस आली असून महिलेच्या आई-वडिलांनी त्यांच्या बेपत्ता मुलीचा शोध घ्यायला सुरुवात केल्यानंतर हा गुन्हा उघडकीस आला. दरम्यान सततच्या भांडणाला कंटाळून आरोपी पतीने हे कृत्य केल्याचे समोर आले आहे.
रंगारेड्डी जिल्ह्यातील मीरपेट येथील रहिवासी लष्कराचा माजी जवान गुरुमुर्ती असं पतीचं नाव आहे. तर व्यंकटा माधवी (३५) असे त्याच्या मयत पत्नीचं नाव आहे.
मृत महिला व्यंकटा माधवी हिच्या आईवडिलांनी बेपत्ता असल्यामुळे तिला शोधत माहेरी पोहचले. त्यावेळी आरोपीने भांडण झाल्यामुळे पत्नी घरातून निघून गेली असल्याचे सांगितले. त्यानंतर आरोपी पती, पत्नी बेपत्ता झाल्याची तक्रार दाखल करण्यासाठी सासरच्या लोकांबरोबर पोलीस ठाण्यात गेला होता. मटार पोलिसांना संशय आल्याने त्यांनी पतीची चौकशी केली. चौकशी दरम्यान आरोपी पतीला पोलिसांनी त्याला पॉलिसी खाक्या दाखवताच त्याने पत्नीची हत्या केली असल्याचे कबूल केले. आरोपी याने सांगितले कि, आम्हा दोघांमध्ये वारंवार भांडणे होत होती. १५ जानेवारी रोजीही आमच्यात भांडण झाले आणि त्यानंतर रागाच्या भरात पत्नी माधवीची हत्या केली. दुसऱ्या दिवशी मृतदेहाचे तुकडे केले आणि ते कुकरमध्ये शिजवले. नंतर हाडे मुसळाने बारीक करून मृतदेहाचे तुकडे तलावात फेकले.अशी कबुली ताईने दिली आहे.
निवृत्त लष्करी जवान याने स्वेच्छा निवृत्ती घेतली होती. निवृत्ती घेतल्यानंतर आरोपी डीआरडीओमध्ये आउटसोर्स्ड सिक्युरिटी गार्ड म्हणून कामाला होता. त्याचे आणि मृत महिलेचे १३ वर्षांपूर्वी लग्न झाले होते. त्यांना दोन मुले आहे. दरम्यान आरोपीने १५ जानेवारी रोजी पत्नीशी झालेल्या भांडणानंतर तिची हत्या केली आणि १६ जानेवारीला मृतदेहाची विल्हेवाट लावली. त्यानंतर १८ जानेवारी रोजी ही क्रूर घटना उघडकीस आली होती.
