आजाद समाज पार्टीच्या जळगाव महानगराध्यक्षपदी योगेश तायडे यांची नियुक्ती
जळगाव प्रतिनिधी छत्रपती शिवाजी महाराज, महात्मा ज्योतिराव फुले, छत्रपती शाहू महाराज आणि डॉ. बाबासाहेब आंबेडकर यांच्या विचारधारेने प्रेरित आजाद समाज पार्टी (कांशीराम) हा विचारपंथाचा कणखर वारसा पुढे नेत आहे. याच धर्तीवर पक्षाच्या जळगाव महानगराध्यक्षपदी योगेश तायडे यांची नियुक्ती करण्यात आली आहे.
खासदार चंद्रशेखर आजाद यांच्या नेतृत्वाखाली संघटन अधिक सक्षम करण्याचे प्रयत्न सुरू असून, तायडे यांच्या निवडीमुळे संघटनेला संघटनात्मक आणि आर्थिक बळकटी मिळेल, असा विश्वास पक्षाने व्यक्त केला आहे. पक्षाने दिलेली जबाबदारी प्रामाणिकपणे आणि निष्ठेने पार पाडण्याचा निर्धार योगेश तायडे यांनी व्यक्त केला आहे.
जळगाव जिल्हाध्यक्ष श्रीकांत (सतीष) गायकवाड यांनी तायडे यांचे अभिनंदन करताना त्यांच्या पुढील कारकिर्दीसाठी शुभेच्छा दिल्या
