नाशिकच्या पालकमंत्रीपदी निवडीनंतर गिरीश महाजन यांचे जळगावात जल्लोषात स्वागत

रेल्वे स्थानकावर भाजप पदाधिकारी, नगरसेवक व कार्यकर्त्यांची मोठी गर्दी; घोषणांनी परिसर दणाणला

जळगाव | प्रतिनिधी

राज्याचे जलसंपदा व आपत्ती व्यवस्थापन मंत्री तथा जळगाव जिल्ह्याचे नेते गिरीश महाजन यांची नाशिक जिल्ह्याच्या पालकमंत्रीपदी निवड झाल्यानंतर जळगाव शहरात प्रथम आगमन होताच भारतीय जनता पक्षाच्या पदाधिकारी, नगरसेवक व कार्यकर्त्यांच्या वतीने त्यांचे उत्साहपूर्ण वातावरणात भव्य स्वागत करण्यात आले. जळगाव रेल्वे स्थानक परिसरात कार्यकर्त्यांची मोठी गर्दी झाली होती.

घोषणांनी दणाणला रेल्वे स्थानक परिसर

गिरीश महाजन यांचे रेल्वे स्थानकावर आगमन होताच कार्यकर्त्यांनी जोरदार घोषणाबाजी करत परिसर दणाणून सोडला. पुष्पवृष्टी, फटाक्यांची आतषबाजी आणि कार्यकर्त्यांच्या जल्लोषामुळे रेल्वे स्थानक परिसरात उत्साहाचे वातावरण निर्माण झाले होते.

महापौरांच्या हस्ते भव्य गुलाबहार

जळगाव शहराच्या महापौर दीपमाला काळे यांच्या हस्ते गिरीश महाजन यांना भव्य गुलाबहार घालून नाशिक जिल्ह्याच्या पालकमंत्रीपदी निवड झाल्याबद्दल अभिनंदन करण्यात आले. यावेळी उपस्थित पदाधिकारी आणि कार्यकर्त्यांनी पुष्पगुच्छ देत त्यांना शुभेच्छा दिल्या.

कार्यकर्त्यांमध्ये उत्साहाचे वातावरण

जळगाव जिल्ह्याच्या राजकीय आणि विकासात्मक वाटचालीत गिरीश महाजन यांचे नेतृत्व महत्त्वपूर्ण राहिले आहे. आता जळगावसोबत नाशिकसारख्या महत्त्वाच्या जिल्ह्याच्या पालकमंत्रीपदाची जबाबदारी त्यांच्यावर सोपविण्यात आल्याने कार्यकर्त्यांमध्ये विशेष उत्साह दिसून आला.

यावेळी “गिरीश भाऊ आगे बढो, हम तुम्हारे साथ हैं” आणि “भारतीय जनता पार्टीचा विजय असो” अशा घोषणांनी परिसर दुमदुमून गेला.

पदाधिकारी, नगरसेवकांची उपस्थिती

यावेळी भाजप पश्चिम महानगर जिल्हाध्यक्ष डॉ. राधेश्याम चौधरी, महानगर जिल्हाध्यक्ष दीपक सूर्यवंशी, भाजप गटनेते प्रकाश बालाणी, नगरसेवक ॲड. शुचिता हाडा, अरविंद देशमुख, सुरेखा तायडे, गायत्री राणे, विशाल भोळे, राजेंद्र घुगे पाटील, महानगर सचिव विशाल त्रिपाठी यांच्यासह भाजपचे पदाधिकारी, नगरसेवक, कार्यकर्ते तसेच नागरिक मोठ्या संख्येने उपस्थित होते.

जळगावातील आगमन ठरले संस्मरणीय

नाशिक जिल्ह्याच्या पालकमंत्रीपदाची जबाबदारी मिळाल्यानंतर जळगावात झालेले हे भव्य स्वागत गिरीश महाजन यांच्यावरील कार्यकर्त्यांचा विश्वास आणि उत्साह अधोरेखित करणारे ठरले. रेल्वे स्थानकावरील गर्दी, घोषणांचा गजर आणि कार्यकर्त्यांचा जल्लोष यामुळे त्यांचे जळगावातील आगमन संस्मरणीय ठरले