अज्ञात माथेफिरूनी उभी रिक्षा पेटवली!
शिवाजीनगर परिसरातील घटना
जळगाव प्रतिनिधी : शहरातील शिवाजी
नगर परिसरात घराबाहेर उभी रिक्षा अज्ञात माथे फिरुनी पेटवून दिल्याची घटना घडली. मध्यरात्रीच्या सुमारास घडलेल्या या घटनेत ऑटोरिक्षा चालकाने शहर पोलिसांत फिर्याद दिल्यावरुन गुन्ह्याची नोंद करण्यात आली आहे.
शहरात शिवाजीनगर लाकूड पेठ भागात अजय राजेंद्र जगताप कुटूंबीयांसह वास्तव्यास आहेत. ऑटोरिक्षा चालवुन ते कुटूंबाचा उदनिर्वाह करतात, स्वतःची रिक्षा नसल्याने त्यांच्याकडे राजु गणपत चौरे यांच्या मालकीची ऑटोरिक्षा (एमएच. १९. सीडब्लू.६३४८) रात्रपाळीला चालवण्यासाठी दिली होती. अजय जगताप रात्रपाळीला रिक्षा चालवत असल्याने ते रात्री दहा नंतर जेवण करुन झोपुन गेले. मध्यरात्री त्यांच्या निघण्याची वेळ होतांना घराबाहेर उभी रिक्षा अज्ञातांनी पेटवून दिल्याने एकच खळबळ उडाली आहे. हा प्रकार लक्षात आल्यावर बर शेजारच्यांनी धाव घेत आगीवर नियंत्रण मिळवून आग विझवली. मात्र, तो पर्यंत संपूर्ण रिक्षा जळून खाक झाली.अजय जगताप यांनी याप्रकरणी शहर पोलिसासंत तक्रार दिल्यावरुन अज्ञातांच्या विरुद्ध गुन्हा दाखल करण्यात आला आहे. तपास पोलिस नाईक ओमप्रकाश सोनी करत आहेत.
