मुंबई विमानतळ, ताज महल पॅलेस हॉटेलला पाईप बॉम्बची धमकी: अनोळखी ईमेलमुळे खळबळ
पोलिस यंत्रणा सतर्क, सुरक्षा व्यवस्था कडक; धमकी देणाऱ्याविरुद्ध गुन्हा दाखल
मुंबई (प्रतिनिधी): मुंबई आंतरराष्ट्रीय विमानतळ आणि ताज महल पॅलेस हॉटेलला पाईप बॉम्बने उडवून देण्याची धमकी देणारा अनोळखी ईमेल आज (१७ मे २०२५) सकाळी विमानतळ पोलिस ठाण्याला प्राप्त झाला. या धमकीमुळे मुंबईत एकच खळबळ उडाली असून, पोलिसांनी तातडीने सुरक्षा व्यवस्था कडक केली आहे.मिळालेल्या माहितीनुसार, धमकीच्या ईमेलमध्ये संसदेवर हल्ला करणारा दहशतवादी अफजल गुरू आणि सॅवक्कू शंकर यांना अन्यायकारकपणे फाशी दिल्याचा दावा करण्यात आला आहे. हा ईमेल ‘viduthalai_puli_vellum’ या आयडीवरून आला असून, याप्रकरणी पोलिसांनी भारतीय दंड संहिता कलम १२५, ३५१(१), (३), (४) अंतर्गत गुन्हा दाखल केला आहे.धमकीचा ईमेल मिळताच मुंबई पोलिस आणि सुरक्षा यंत्रणा सतर्क झाली आहे. विमानतळ आणि ताज महल पॅलेस हॉटेल परिसरात पोलिसांचा बंदोबस्त वाढवण्यात आला असून, संशयित ईमेल आयडीच्या वापरकर्त्याचा शोध घेण्यासाठी तपास सुरू आहे. या घटनेमुळे शहरात तणावाचे वातावरण असून, पोलिस यंत्रणा कोणतीही जोखीम न घेता सर्वतोपरी खबरदारी घेत आहे.
