जळगावच्या पालकमंत्रीपदी गुलाबराव पाटील
नाशिकच्या पालकमंत्री पदी गिरीश महाजन आणि भंडाऱ्याच्या पालकमंत्री पदी संजय सावकारे
मुंबई /जळगाव प्रतिनिधी
मुख्यमंत्री देवेंद्र फडणवीस यांच्या नेतृत्वाखालील महायुती सरकारच्या मंत्रिमंडळाचा विस्तार झाल्यानंतर राज्यातील पालकमंत्र्यांची नियुक्ती गेल्या अनेक दिवसांपासून रखडली होती. मात्र, शनिवारी अखेर राज्यातील जिल्हा निहाय पालकमंत्री यांची यादी जाहीर झाली आहे. या यादीत उपमुख्यमंत्री अजित पवार यांच्याकडे पुण्यासह बीड जिल्ह्याचे पालकमंत्रिपद देण्यात आले आहे. मुख्यमंत्री देवेंद्र फडणवीस यांच्याकडे गडचिरोलीचे पालकमंत्रिपद तर उपमुख्यमंत्री एकनाथ शिंदे यांच्याकडे मुंबई शहर आणि ठाणे जिल्ह्यांचे पालकमंत्रिपद सोपवण्यात आले आहे. तसेच जळगाव जिल्ह्यातील दिग्गज मंत्री असलेले गुलाबराव पाटील यांना तिसऱ्यांदा जळगावचे पालकमंत्री पदी नियुक्ती झाली असून गिरीश महाजन यांच्याकडे नाशिक जिल्ह्याची पालकमंत्री पदाची जबाबदारी देण्यात आली आहे. तर भुसावळ चे संजय सावकारे यांच्याकडे भंडारा जिल्ह्याच्या पालकमंत्री पदाची जबाबदारी देण्यात आली आहे.
जिल्हानिहाय पालकमंत्री:
सरकारने राज्यातील सर्व जिल्ह्यांसाठी खालीलप्रमाणे पालकमंत्र्यांची नियुक्ती केली आहे:
1. गडचिरोली: देवेंद्र फडणवीस (मुख्यमंत्री)
2. ठाणे, मुंबई शहर: एकनाथ शिंदे (उपमुख्यमंत्री)
3. पुणे, बीड: अजित पवार (उपमुख्यमंत्री)
4. नागपूर, अमरावती: चंद्रशेखर बावनकुळे
5. अहिल्यानगर: राधाकृष्ण विखे पाटील
6. वाशिम: हसन मुश्रिफ
7. सांगली: चंद्रकांत पाटील
8. नाशिक: गिरीश महाजन
9. पालघर: गणेश नाईक
10. जळगाव: गुलाबराव पाटील
11. यवतमाळ: संजय राठोड
12. रत्नागिरी: उदय सामंत
13. धुळे: जयकुमार रावल
14. जालना: पंकजा मुंडे
15. नांदेड: अतुल सावे
16. चंद्रपूर: अशोक उईके
17. सातारा: शंभुराज देसाई
18. रायगड: अदिती तटकरे
19. लातूर: शिवेंद्रराजे भोसले
20. नंदूरबार: माणिकराव कोकाटे
21. सोलापूर: जयकुमार गोरे
22. हिंगोली: नरहरी झिरवळ
23. भंडारा: संजय सावकारे
24. छत्रपती संभाजीनगर: संजय शिरसाट
25. धाराशिव: प्रताप सरनाईक
26. बुलढाणा: मकरंद जाधव
27. सिंधुदुर्ग: नितेश राणे
28. अकोला: आकाश फुंडकर
29. गोंदिया: बाबासाहेब पाटील
30. कोल्हापूर: प्रकाश आबिटकर आणि माधुरी मिसाळ (सहपालकमंत्री)
31. गडचिरोली: आशिष जयस्वाल (सहपालकमंत्री)
32. वर्धा: पंकज भोयर
33. परभणी: मेघना बोर्डीकर
प्रमुख नियुक्त्या
• अजित पवार: पुणे आणि बीड या महत्त्वाच्या जिल्ह्यांची जबाबदारी दिली आहे.
• गिरीश महाजन: नाशिकचे पालकमंत्री म्हणून काम पाहतील.
• गुलाबराव पाटील: जळगाव जिल्ह्याचे पालकमंत्री.
• चंद्रशेखर बावनकुळे: नागपूर व अमरावतीची जबाबदारी सांभाळणार आहेत.
• संजय शिरसाट: छत्रपती संभाजीनगरचे पालकमंत्री.
महिला मंत्री
• अदिती तटकरे: रायगड जिल्ह्याच्या पालकमंत्री.
• मेघना बोर्डीकर: परभणीची जबाबदारी.
